Песні, знайце, - сэрца дар, шанаваць іх трэба, кепскі з нас той гаспадар, што не мае хлеба, і без песень жа народ што ён варт быць можа?
21 лістапада вучні 5-7-х класаў прымалі ўдзел у мерапрымстве “Свята беларускай песні”, якое было прысвечана беларускаму фальклору.
Заклікаючы нас яшчэ ў пачатку стагоддзя абараняць родную песню, мову, родную беларускую культуру, Янка Купала ведаў, што гэта духоўныя здабыткі нацыі, мастацкія скарбы, дзякуючы якім беларускі народ зможа хутчэй стаць роўным і прызнаным сярод іншых народаў свету. Ён адчуваў не толькі цудоўную прыгажосць родных песень, але і заключаную ў іх моцную сілу, якая аб’ядноўвае людзей.
“Няма будучыні ў народа, які не памятае свайго мінулага”, – гаворыць народная мудрасць. Ад кожнага з нас залежыць, ці зберажом мы сваю гістарычную памяць, ці пакінем у спадчыну будучым пакаленням незлічоныя скарбы нацыянальнай культуры. Вось гэту задачу мы ставілі, праводзячы наша мерапрыемства. Дзеці былі вельмі задаволены!!! Яны мелі магчымасць спяваць і слухаць песні беларускіх выканаўцаў.
